Iwwer LuxEdu

Ech sinn de Rick, an mir gefält Mathé 🤓

Mee keng Angscht, ech wäert Iech net mat Gläichungen langweilen. Amplaz dovun loosst mech Iech erzielen, firwat ech LuxEdu gegrënnt hunn.

Den Lëtzebuerger System, eng duebelt Erausfuerderung

Abstrakt Konzepter ze léieren ass eng Erausfuerderung.

Als Nohëllefsproff hunn ech vill Schüler gesinn, déi net nëmme mat schwéiere Themen ze kämpfen haten, mee och mat enger Unterrichtssprooch, déi net hir Mammesprooch ass.

Dat ass frustréierend - fir d'Kanner, d'Proffen an d'Elteren, déi all hirt Bescht probéieren.

D'Virdeeler vun externer Ënnerstëtzung

An der Nohëllef hunn ech gesinn, wéi eng positiv Verännerung e bëssen zousätzlech Ënnerstëtzung ka bewierken. Heiansdo brauch et just eng aner Manéier vun Erklären, fir dass et "Klick" mécht.

Dës extra Hëllef mécht en Ënnerscheed - net just bei den Notten, mee virun allem beim Selbstvertrauen. Dat mécht d'Bildung zu engem sou motivéierende Projet.

Firwat Nohëllef eleng net duergeet

Mee eng 1-zu-1 Stonn eleng ka bei kengem Schüler Wonner bewierken: déi deeglech Hausaufgaben, d'Revisioun virun all Prüfung, an dat Thema, dat dann awer op eemol den Owend virum Test net zu 100% kloer ass.

Wat Schüler wierklech brauchen, ass béides: strukturéiert Léiermaterial fir all Dag, an eng erfuerene Persoun, déi an de wichtege Momenter déi lescht Zweifel kläert.

Wéi ech d'Stäerkt vum E-Learning entdeckt hunn

Am Studium hunn ech entdeckt, wéi effektiv Online-Ressource sinn. D'Méiglechkeet, Erklärungen am eegenen Tempo ze verfollegen, huet mir gehollef, schwéier Themen ze meeschteren.

Jo... dat sinn ech an deem komesche Gewant...

Ech konnt pauséieren, zeréckspulen a widderhuelen, bis d'Saache Sënn gemaach hunn. Dësen Usaz huet meng Bezéiung zur Mathematik verännert, an ech wousst direkt: Dat kéint och fir Schüler zu Lëtzebuerg funktionéieren.

Standard-Léierhëllefen verpassen d'Bedierfnesser vun Äre Kanner

"Mee Rick, et gëtt dach schonn e ganze Koup Mathé-Videoen online! An eng Persoun fir d'Nohëllef fannen ech bestëmmt och esou..."

Richteg. Mee wien huet d'Zäit, duerch onzieleg Videoen ze sichen an e kohärente Léierwee opzebauen a fir Stonne mat der Sich no engem gudden Tuteur ze verschwenden, nëmme fir dann am Terminchaos ënnerzegoen?

Elteren hu scho genuch Verantwortlechkeeten. Si brauche keng zousätzlech Aarbecht als Léierplang-Experten.

LuxEdu, déi besser Alternativ

Mir kombinéieren dat Bescht vum Online-Léieren mat engem Programm, deen op de Lëtzebuerger Système ugepasst ass. Alles op Lëtzebuergesch, ouni déi zousätzlech Sprooche-Barrière.

Léier-Begeeschterung entsteet duerch effizient a spierbar Resultater. Dofir ass LuxEdu speziell op d'Bedierfnesser vun eise Schüler zougeschnidden. Eist Zil ass et, dass si voller Selbstvertrauen an déi nächsten Prüfung ginn.

Wat mir proposéieren

Wat als Mathé-Projet ugefaangen huet, ass haut eng Léierplattform, déi Mathé, Franséisch, Englesch an Däitsch vun der 7e bis d'1re ofdeckt an op där dausende Schüler all Mount hiert Verständnis verbesseren.

Mat eisem Nohëllef-Netzwierk kënnen Elteren elo gepréifte Tuteuren, déi de Lëtzebuerger Programm kennen, direkt an der App buchen.

Déi strukturéiert Ënnerstëtzung vun der App plus eng personaliséiert 1-zu-1-Hëllef, wann se gebraucht gëtt: déi perfekt Kombinatioun, fir d'Schüler beschtméiglech ze fërderen.

Ënnerstëtzung fir all "Ech verstinn dat einfach net..." Moment

Eis Visioun geet awer nach méi wäit. Mir wëlle fir all Fach déi ideal Ënnerstëtzung ubidden, wou de Schüler se brauch.

All eise Cours an all Übung hunn een Zil: de Schüler zum "Aha!"-Moment ze féieren. Et geet ëm Selbstvertrauen, Fäegkeeten an Zukunftschancen.

Mir schaffen all Dag drun, LuxEdu nach besser ze maachen. Är Gedanken a Virschléi si wichteg fir eis (info@luxedu.lu). Ech liesen all Message perséinlech.

Loosst eis zesummen d'Potential vun all Schüler zu Lëtzebuerg entfalen. Mat de richtege Ressourcen an der Ënnerstëtzung ka jidderee glänzen. LuxEdu ass do fir ze hëllefen.